Friday, August 5, 2011

अब कस कै बांध लंगोटो




संकट म्ह है हिन्दुस्तान


अब कस कै बांध लंगोटो
अर हाथ म्ह ले ले घोटो
बाबा बजरंगी हनुमान, संकट म्ह है हिन्दुस्तान

म्हे शरण मैं आया थारी
थे हरल्यो विपदा म्हारी
बळ दिखलाओ बलवान, संकट म्ह है हिन्दुस्तान

दीमक बण कै चाट रिया है देस नै खादीधारी

रक्षक ही भक्षक बण बैठ्या, बाड़ खेत नै खारी
राजा, मन्त्री, दरबारी
सगळा ही भ्रष्टाचारी
सब का सब बे-ईमान, संकट म्ह है हिन्दुस्तान

देर करो मत हनुमत अब थे, बेगा बेगा आओ

स्विस बंकां म्ह पड़ी संजीवन, थे भारत म्ह ल्याओ
गास्यां तेरा गुणगान
अर मानांगा एहसान
दुःखभंजक दयानिधान, संकट म्ह है हिन्दुस्तान


- अलबेला खत्री



albela khatri & abhijit sawant in laughter ke phatke on star one

1 comment: